कीर्तिपुर, ६ भाद्र
त्रिवि पाठ्यक्रम विकास केन्द्रमा लामो समयदेखि कार्यरत कर्मचारी केशबकुमार थापाको उमेर हदका कारण यहि भाद्र ८ गतेदेखि निवृत्त हुनुहुने भएकोले कार्यालयले एक कार्यक्रम गरी उहाँलाई बिदाई गरेको छ । 
आज आयोजित बिदाई कार्यक्रममा केन्द्रका कार्यकारी निर्देशक प्रा.डा. पारसनाथ यादवले एक असल कर्मचारीको पहिचान बनाएर थापाजी बिदा हुनुभएको बताउनु भयो । उहाँको कामबाट संस्थाले ठुलो सहयोग पाएको उल्लेख गर्नुहुँदै यादवले उहाँबाट अरू कर्मचारीले पनि इमान्दारिताको पाठ सिक्नु पर्ने बताउनु भयो । त्यस्तै स्तर निर्धारण शाखा प्रमुख सुशील दाहाल र क्रेडिट ट्रान्सफर शाखा प्रमुख चक्रपाणी लम्सालले उहाँको निवृत्त जिवन सुखमय रहोस् भनी शुभकामना व्यक्त गर्नुभएको थियो । कार्यक्रममा कर्मचारी थापालाई कार्यकारी निर्देशकले कार्यालयको तर्फबाट मायाको चिनो उपहार प्रदान गर्नुभएको थियो ।